Abu Tilamzik

Finally, napag-usapan namin ni Jean Garcia ang tungkol sa pinagdaanan niyang trauma­tic na karanasan dulot ng bagyong Ondoy.

Nakatsikahan namin si Jean sa presscon ng Ang Darling Kong Aswang na entry ng OctoArts at M-Zet Productions sa Metro Manila Film Festival.

Ang isa sa ipinakiusap ni Jean ay huwag na sanang lagyan ng isyu ang hindi pagka-rescue sa kanila dahil tapos na iyun at ayaw na niyang pag-usapan iyun.

Nilinaw kasi namin kay Jean kung totoo itong nakarating na balita sa aming may ilang pulitiko na dumating doon para mag-rescue sa mga na-trap sa baha pero pinili ang mga tinulungan nito at hindi man sila pinansin.

Itinanggi ito ng aktres dahil nagpapasalamat pa rin siya na safe silang mag-anak.
Kahit hindi sila na-rescue at naghintay lang sila na bumaba ang tubig, walang masamang nangyari sa kanilang lahat.

Malaki ang pasasa­lamat ni Jean kay Jennylyn Mercado at kay Mommy Lydia dahil sila ang nag-asikaso sa kanila pagkatapos nilang makalabas ng bahay.

“Kinikilabutan ako kapag naaalala ko iyun. Kasi, sila talaga ang nag-asikaso sa amin. Pag-akyat namin sa village nila, sila ang nag-asikaso sa amin.

“Hindi lang kami, pati mga kapitbahay namin na wala ring matulu­yan nu’ng oras na iyun. Napakabuting pamilya ng pamilya ni Jennylyn,” pahayag ng aktres.

Ang isa pang ipinagpasalamat ni Jean ay nakauwi siya ng bahay pagkatapos ng taping ng Stairway to Heaven.

“Nagpapasala­mat ako sa Panginon na nandu’n ako. Kasi, halimbawa, hindi pa ako nakauwi galing taping at hiwalay kami, nandu’n sila at alam kong in danger ang mga anak ko, tapos ako safe, baka tumambling ako nang bonggang-bongga. Promise!
“Kaya alam ko ang feeling ni Jigo (Garcia) na hirap siya na wala siyang magawa para matulungan kami. Tumutulong siya sa iba nu’ng time na iyun pero kami, hindi kayang tulungan.

“Pero okay pa rin, kasi, may mga natulu­ngan siya, at proud si Jenica sa tatay niya. At least, marami silang natulu­ngan na proud kami ni Jenica kay Jigo sa ginawa niya iyun,” patuloy ni Jean.

Nakalipat na ng bahay si Jean at nagsisimula na naman daw sila ng panibagong buhay pagkatapos ng mga trahed­yang pinagdaanan nila.

“Dinadasal ko na lang sa Diyos na sana, tama na. Huwag na sanang maulit ‘yung Ondoy ever, please, ‘di ba?

“Napaka-traumatic talaga. Hindi lang para sa amin, kundi sa mara­ming kababayan natin,” pagtatapos ng aktres.

Abu Tilamzik

Nakausap ko kahapon si Atty. Joji Alonzo at kinlaro niya sa akin na hindi pa raw naka-sche­dule si Jennylyn Mercado na isalang sa witness stand kaugnay sa kasong isinampa nito laban sa dating PA na si Mel Pulmano.

Nilinaw ni Atty. Alonzo na hindi nila dini-delay ang pagdinig ng kaso dahil may series of hearing ito para madesisyunan na kung puwedeng magpiyansa si Mel na nakapiit pa rin sa Camp Karingal.

Ibang witness daw talaga ang naka-schedule kamakalawa pero malapit na raw isalang si Jennylyn.

Sa susunod na buwan ay marami pa raw silang hearing kaya isa sa mga araw na iyun ay pauupuin si Jennylyn dahil siya raw mismo ang complainant.

Nag-text din sa akin si Jennylyn na hindi raw siya pinapunta ni Atty. Alonzo dahil hindi pa siya ang naka-schedule, kaya hindi siya tumuloy sa hearing na iyun.

Hiningan ko na rin si Jennylyn ng sagot sa mga huling kuwento ni Patrick Garcia na nag-text daw ito at humingi ng apology sa kanya.

Base sa mga text ni Jennylyn, tila hindi nito natanggap ang ipinadalang text message ni Patrick, pero ayaw na raw niya itong patulan.

“Wala na ba siyang ibang puwedeng gamitin kundi kami ni AJ?” bahagi ng text ni Jennylyn.

Matagal na raw siyang nakapag-move on at masaya na raw siya sa buhay niya kaya sana, tumigil na raw si Patrick sa kagagamit sa kanila ng anak niya para mapag-usapan lang.

Abangan ang kabuuan ng kuwentong ito sa Startalk!

Sana, mapatawad na ni Jennylyn si Patrick

Joe Barrameda


Muli naming nakita ang nagbabalik na si Patrick Garcia na guwapung-guwapo at seryoso na yata ito.

May mahalagang role siya sa Full House . As usual, ang itinatanong sa kanya ay ang nasirang relasyon nila ni Jennylyn Mercado.

Hindi pa rin nawawalan ng pag-asa si Patrick na makikita niya ng kanyang anak kay Jen.

Wish niya na bago mag-Pasko ay mahawakan man lang niya ito.

Nag-text siya kay Jen kamakailan. Ang paghingi ng tawad kay Jen, ang wish na makita ang anak at ang pangarap niya na magkaayos sila ni Jen bilang magkaibigan ang nilalaman ng text.

Diyos lang ang makakaalam kung kailan pagbibigyan ni Jen ang hiling ni Patrick.

Sa gumagandang istor­ya at mataas na ratings ng Ikaw Sana ay sana maging daan na ito para mapatawad ni Jen si Patrick.

Ano ba naman ‘yung lumipas na mahabang panahon?

Gusto pa ba ni Jen na dala-dala niya sa kalooban niya ang galit niya sa ama ng anak niya?

Hindi niya puwedeng palitan ang ama ng bata kahit magkaroon siya ng ibang karelasyon. Dugo pa rin ni Patrick ang mananalaytay sa anak niya.

Sana, magkaayos na sila bilang magkaibigan.
__________________

Help wanted: Patrick Garcia needs Jen's new number

By ALEX VALENTIN BROSAS
November 24, 2009, 5:15pm

Actor Patrick Garcia has tried revving up communications with ex-girlfriend Jennylyn Mercado recently but failed to establish connection.

"I have four of her numbers. Nag-text ako. Hindi ko alam kung sa kanya pa rin ang mga numbers na iyon. Pero wala siyang reply. Feeling ko, hindi na sa kanya iyon," Patrick shared to members of media who attended the "Full House" presscon held at 55 Events Place, Quezon City last Nov 23.

Undaunted, Patrick said he will try to find out Jen's new number so he could text her.

"Ayaw kong tumawag. Mas maganda iyong iparamdam ko muna," he explained.

The actor admitted he is dying to see his son Alex Jazz whom he has only seen in photos and on television.

He recounted finding the perfect gift for his baby while taping for "Full House" in Prague, Czech Republic.

"Pumunta kami ni Richard sa isang store. May nakita akong gloves na maliliit. Maganda, may pang-baby. Parang I wanted to buy it kaso hindi ko alam ang size (ng kamay ni AJ). Gusto ko sanang bumili pero hindi ko pa nga nakikita ang anak ko," said he.

So, did he opt for something else?

"Secret!" Patrick quipped.

The actor said he has not set a deadline for when and where he would see his baby.

"Wala akong sasabihin na date basta gagawin ko na lang. Siyempre, the mother always has the right... I respect her. Gusto ko siyang maging masaya kapag nakita ko ang anak ko."

Patrick believes Jennylyn will eventually allow him to see their bundle of joy.

"Hindi naman ganoon kasama si Jen [para di pumayag pag lumaon]," Patrick said.

The actor claims he is loveless at the moment although he confirmed rumors that he hangs out constantly with actress Glaiza de Castro even outside their "Kung Aagawin Mo Ang lahat Sa Akin" tapings.

"[But] we're [only] good friends. I like her pero it's better na dahan-dahan muna. Trabaho muna."

Patrick Garcia, patuloy na nagmamakaawa kay Jennylyn “Give me a chance!”

(ROSE GARCIA)



“GIVE me a chance,” ang patuloy na mensahe ni Patrick Garcia sa ina ng anak niyang si Alex Jazz na si Jennylyn Mercado.


Open book sa l­ahat na hanggang ngayon ay matigas pa rin si Jennylyn na hindi ipakita o ipakilala ang anak na si AJ sa ama nito.


Aminado si Patrick, nasasabik na siya na ma­ya­kap man lang ang anak niya. In fact, gumawa na rin daw siya ng move, na kung saan ay nagpadala raw siya ng text message kay Jen.


“Pero huwag na lang nating anuhin… basta kung anuman ‘yung gusto kong sabihin, personal ko na lang sasabihin. I’m not comfortable… parang I want to be careful in doing anything. I don’t want to… na baka makasira sa sana ay pagiging okey namin,” seryosong sabi ni Patrick.


“I’m making my steps slowly but surely. Ayoko kasing makasira,” dugtong pa niya.


Hiniling ba niya na sana ay nakasama niya sa Prague nu’ng nagti-taping sila ng Full House, si AJ?


“Kahit hindi naman sa Prague, kahit saang parte ng mundo, gusto kong makasama siya.”


Umiiyak pa rin ba siya?


“I’ll just keep it to myself na lang,” sagot niya.


Anyway, hindi na raw mabilang ni Patrick kung ilang regalo na ang binili niya na nasa bahay nila, para ibigay sana sa anak. Tulad na lang noong nakaraang birthday nito at Christmas.


Palagi rin daw siyang nasa nursery section ng mall. At inamin din niya na kailan lang ay bumili siya ng helicopter. Isang malaki at isang maliit.


Biro namin kay Patrick, bakit hindi na lang niya ipa-FED-EX o LBC kaya?


“Ang bad mo!” nata­tawang sabi niya sa amin.


“Siyempre, I’m still waiting for the time na maibibigay ko rin ‘yun sa anak ko ng personal.”


Aminado si Patrick na dahil hindi pa niya nakakasama o nakikita ang anak, hindi pa raw niya alam kung paano ang maging isang daddy.


“Hindi ko pa talaga alam kung ano ang nararamdaman ng isang dad.

Siguro, when I get to see him.”


Sa tingin ba niya ay darating pa rin pagkaka­taon na `yon?


“I hope…I hope. I know that Jen is not naman that bad. That’s why I am taking things slowly. Mahirap madaliin.” Walang ibang wish, at tila nagmama­kaawa na nga si Patrick, na ngayong dara­ting na Kapaskuhan ay makita at mayakap ang kanyang anak.

Patrick, nag-sorry kay Jennylyn

Abu Tilamzik


HINDI sinipot ni Jennylyn Mercado ang hea­ring ng kasong isinampa niya laban kay Mel Pulmano kahapon nang umaga sa Branch 77 ng QC-RTC sa sala ni Judge Vivencio Baclig.

Dapat ay isa si Jennylyn sa isasalang sa witness stand pero hindi siya dumating kaya sa susunod na hearing na lang daw ito na naka-schedule sa December 7.

Kasama rin daw dapat si Becky Aguila na pauupuin pero wala rin ito at sumama yata kay Angel Locsin sa Amerika.

Ang isa sa mga witness na tinawag kahapon ay ang tauhan ng UCPB Morato Branch na si Mark Lester Chavez kung saan isinalaysay nito ang pag-open ni Jennylyn ng account sa naturang bangko kasama si Mel.

Pumayag daw si Jennylyn na si Mel ang mag-represent sa kanya sa bangkong iyun.

Sandali lang ang mga pagtatanong ng abugado ng complainant na si Atty. Lani Barcenas na gusto lang nitong palabasing nang mag-open ng account si Jennylyn sa naturang bangko, in-insist ni Mel na siya na ang kontakin ng naturang bangko at hindi na si Jennylyn.

Mabilis din ang cross-examination ng abugado ni Mel na si Atty. Cornelio Samaniego III na nilinaw lang nito sa harap ng korte na walang pagtutol iyun kay Jennylyn at nasaksihan mismo ng naturang staff ng UCPB.

Ipinagdiinan din ng abugado ni Mel na sana, bilisan ang pagdinig ng naturang kaso dahil habang tumatagal, nagdurusa si Mel sa kulungan at hindi pa napagdesisyunan na makapag-bail at bigyan ng pansamantalang kalayaan.

Maluha-luha na namang nagpahayag si Mel na sana, matapos na ang paglilitis para lumabas na ang katotohanan at mabigyan siya ng katarungan sa nangyari sa kanya at managot ang dapat managot.

***

Hindi pa rin natatapos ang isyu nina Jennylyn Mercado at Patrick Garcia.

Inungkat itong muli kay Patrick nang humarap ito sa movie press nu’ng presscon ng Full House kamakalawa.

Ikinuwento ni Patrick na bago siya umalis patungong Prague para mag-taping ay nagpadala ito ng text message kay Jennylyn.

Ibinahagi niya sa ilang movie press na na­kausap niya nu’ng gabing iyun ang nilalaman ng mensaheng ipinadala niya kay Jennylyn na naka-save pa sa kanyang cellphone.

“I don’t know if this message will have a good or bad effect, but I know I’m doing this with no­thing but good intentions.

“I wanna apologize for everything I’ve done wrong. I apologize from the bottom of my heart.

“I’m hoping that one day we’ll be okay and maybe be good friends, and of course I’m exci­ted and can’t wait to see and most of all hold our baby. I always pray that you’ll give me that opportunity.”

Limang numero ang pinadalhan ni Patrick ng text message pati ang mga kaibigan nito para matiyak lang na makarating ito sa young actress.

Sana raw ay makara­ting ito kay Jennylyn dahil iyun lang ang wish niya sa darating na Pasko na makasama ang kanyang anak.

“One year na eh, so medyo mag-isip-isip ka na, di ba? Ayoko na sanang magsalita, kasi, baka makasira pa sa pinaplano ko.

“Ayoko namang i-showbiz pa, so, sana ma­bigyan lang ako ng chance na makapag-usap kami, hindi sa harap ng kamera,” pahayag ni Patrick.

Nangingilid na ang luha ni Patrick nang nakausap namin dahil ami­nado siyang malungkot siya lalo na’t wala pa ring linaw sa kanya kung makikita at mahahawakan na ba niya ang anak niyang si A­lex Jazz.

Mabuti’t kahit paano ay abala siya sa taping ng Full House at masaya siya sa role na ibinigay sa kanya.

***

by Gorgy Rula


HINDI NA BAGO ang pagmamatigas ni Jennylyn Mercado na hindi nito ipakikilala ang kanyang anak na si Alex Jazz kay Patrick Garcia.

Pero ang isang matinding pahayag niya nang nakapanayam ito ng Startalk sa autograph-signing ng FHM, talagang binura na raw niya si Patrick sa buhay ng anak niya.

Kung sakaling mag-asawa raw siya, ipapangalan daw niya si AJ sa lalaking mapapangasawa niya.

Kapag naintindihan na raw ng anak niya ang lahat, ipagtatapat naman daw niya ang buong katotohanan pero wala raw siyang balak na ipakilala ito.

Ipapa-adopt daw niya sa lalaking mapapangasawa niya ang kanyang anak para ‘yun ang pangalang dala nito.

Nakarating kay Patrick ang huling sinabi ni Jennylyn at obvious na nasaktan ito nang kinunan ng reaksiyon ng Startalk.

Sey ni Jennylyn, “I’m sure darating din ‘yung time na maghahanap si AJ ng father figure, sasabihin ko ‘yung totoo, walang rason para magsinungaling.”

Sagot naman ni Patrick, “Kung ‘yun ang gusto niyang mangyari, bahala siya, basta sana naman she won’t be that mean na hindi ipakilala si AJ sa tunay niyang ama.

“I’m still optimistic na one day mari-realize niya na it’s not about both of us anymore. It’s about our son.

“I may have failed in many things in my life pero at least give me a chance to be a father,” madamdaming pahayag ng aktor.

Wala pa siyang hakbang ngayon na makausap si Jennylyn dahil sa tingin ni Patrick, mainit pa ang lahat at mahirap pang makausap ang GMA star.

Naghihintay lang daw siya ng tamang panahon na makausap si Jennylyn na silang dalawa lang at hindi na kailangang iparating pa sa telebisyon.

Very positive pa rin daw siyang makakausap niya ito, magkaayos sila at makikita nito ng personal ang kanyang anak na kamukhang-kamukha niya.

Puso ni Jennylyn parang bato pa rin

THAT'S ENTERTAINMENT Ni Master Showman Kuya Germs
(Pilipino Star Ngayon) Updated November 09, 2009 12:00 AM


Talagang matigas pa rin si Jennylyn Mercado sa kanyang pasya na palakihin ang kanyang anak nang hindi nakikilala ang ama nito. Ganun kaya talaga siya nasaktan kaya tumigas na parang bato na ang kanyang puso?

Talagang mahihirapan na si Patrick Garcia na makaamot man lang ng pagmamahal ng bata. Eh kung yung makilala siya ay ipinagkakait sa kanya, yung mahalin pa kaya siya ang asahan niya?

Dasalin na lang niya na sana ay palambutin ng panahon ang puso ni Jennylyn para kahit malapitan man lamang ang anak niya ay magawa niya. Sana.

* * *

Jennylyn Mercado says son by Patrick Garcia will bear the surname of whoever she marries

by Rose Garcia

Parehong visible sa Kapuso network ang dating magkarelasyon na sina Patrick Garcia at Jennylyn Mercado, pero kahit papano ay hindi pa rin sila nagkukrus ng landas. Hindi pa sila nagkakausap at nagkikita simula nang magkaroon ng malaking hidwaan sa pagitan nila, at kahit halos isang taon na ang anak nilang si Alex Jazz or AJ, hindi pa rin ito nasisilayan ni Patrick.

Patuloy lang ang takbo ng buhay ng dalawa na busy sa kani-kanyang career.

Si Jennylyn ay featured sa cover ng FHM magazine ngayong November habang si Patrick naman ay kasama sa bagong series ng GMA-7 na Fullhaus.

Ayon kay Jennylyn, iisa lang daw ang mensahe niya sa pagpo-pose nang sexy sa FHM: "Kahit na mommy ka na, hindi naman ibig sabihin na papabayaan mo na ang katawan mo. Kailangan, di ba, palagi kang fresh, palagi kang maganda, maganda ang skin, yung katawan mo slim. O kahit hindi masyadong payat, kailangan fit ka, di ba?"

Loveless raw si Jennylyn, pero wala raw masama kung mag-date man siya. "Single naman ako. Open ako. Pero, wala pa naman."

CHILD'S LAST NAME. Bukod sa trabaho, priority raw ni Jennylyn ang pag-aasikaso kay Alex Jazz. Pero handa na ba siyang ipakilala ang anak sa ama?

"Darating din naman ang time na yun, pero, ayoko nang isipin. Pinaghahandaan ko naman yun."

Napag-isipan na raw niya na mas gusto niyang ipagamit sa anak ang apelyido ng kung sinumang lalaking pakakasalan niya at hindi ang Garcia.

"I'm sure darating din yung time na maghahanap si AJ ng father figure. Sasabihin ko ang totoo. Walang reason para magsinungaling."

What if makasalubong nilang mag-ina si Patrick?

"Ano, I'll say... 'Anak, say hi na lang,'" at saka ito tumawa.

PATRICK REMAINS OPTIMISTIC. Positive naman daw si Patrick na isang araw, makikita rin niya nang personal ang anak.

"I'm optimistic that one day, mari-realize niya na it's not about both of us anymore, it's about our son. I may have failed so many things in my life, pero, in being a father, at least, give me a chance to be a father."

May binili raw siyang birthday gift para sa anak.

"Actually, meron ako sa bahay for him. Pero I'll just give it na lang once na maging okey na. Siguro isipin na lang niya ang anak namin na one day, baka makilala ko rin."

Gumagawa ba siya ng hakbang para makita ang bata?

"Well, I have those thinking... pero, baka masamain pa if I'll do any moves. I might just find it in a news that I'm harassing her, you know... Gusto ko, kusang loob niya, bukal sa puso niya na makilala ko na ang anak namin."

Anong reaksiyon niya sa tinuran ni Jennylyn na hindi apelyido niya ang gagamitin ng anak.

Aniya, "Well, kung yun ang gusto niyang mangyari. Basta sana naman siguro, she won't be let me in naman na hindi ipakilala sa tunay niyang ama. Siguro ngayon, pero, I don't know. As of now, I just wanna be quiet about it."

What if makasalubong niya ang mag-ina or si Jennylyn lalo pa nga't pareho silang Kapuso?
"Ako naman anytime, I'm ready to talk to her. Wala naman akong galit na itinatago."

Pagkatapos makulong ng dating PA ni Jennylyn Mercado na si Mel Pulmano, nagkita na sila kahapon sa hearing ng kasong isinampa sa huli sa sala ni Judge Vivencio Baclig ng Branch 77 ng QC-RTC.

Nagkaroon ng arraignment sa hearing pero hindi pa napag-usapan o napagdesisyunan ang Motion to Bail para kay Mel. Kaya balik pa rin sa kulungan si Mel.

Kamakalawa ay nasa autograph-signing ng FHM si Jennylyn at iniiwasan niyang pahabain pa ang isyu sa kanila ni Mel.

Gusto lang daw ni Jennylyn na patunayan ni Mel kung totoong nagkausap sila noon at kung ano itong mga katotohanan na laging sinasabi ni Mel sa mga interview nito.

Sabi naman ni Mel, natatakot lang si Jennylyn kay Becky Aguila kaya ayaw nitong magsa­lita dahil alam daw nito ang buong katotoha­nan.

Kahit si Mommy Ly­dia ni Jennylyn ay hinahamon na rin si Mel na magsalita na kung ano ang totoo, kung may kinalaman ba si Becky sa mga kasong isinampa laban sa kanya o wala.

Kung meron mang ibubunyag si Mel, dapat magsalita na raw ito.

Si Jennylyn naman ay ipinaubaya na sa abugado niya ang naturang kaso kaya ayaw niyang sagutin ang iba pang mga pahayag ni Mel.

Ang isa pang aya­w pag-usapan ni Jennylyn ay ang tungkol sa kanila ni Patrick Garcia, na ilang beses na nagpahayag na gusto na nitong makita ang kanilang anak na si Alex Jazz.

Matindi ang huling statement ng young actress na wala siyang ba­lak na ipakilala si Patrick bilang ama kay AJ.

“Matagal na po kasi siyang burado, as in close na,” mariing pahayag ni Jennylyn at may pahabol pang tapos na ang relasyon ni Patrick sa kanyang anak.

Kapag dumating ang araw na mag-asawa siya, itong lalaking pakakasalan niya ang ipapakilala niyang ama ni AJ.

Kapag malaki na ang kanyang anak at magtatanong na ito, hindi niya itatago ang katotoha­nan, pero nilinaw ni Jennylyn na ang ipapa­ngalang ama sa kanyang anak ay ang lalaking pakakasalan niya. Ipapa-adopt niya ito sa magiging asawa niya.

“I’m sure, darating din ang time na maghahanap na si AJ ng father-figure. Iyun na ang ipapakilala ko, kung sino man ang magiging future husband ko. Kasama na iyan sa future plans ko,” dagdag na pahayag ni Jennylyn.

Halatang masama ang loob ni Patrick nang ipinarating namin sa kanya itong mga sinabi ni Jennylyn tungkol sa kanilang anak.

“Ang weird pero I don’t know. Huwag naman sanang ganu’n ka-mean,” sagot ni Patrick sa desisyong iyun ni Jennylyn.

“Ang gusto ko lang namang iparating, I may have failed in many things in life pero on being a father, give me a chance sana to prove ang pagiging father ko,” madamdaming pahayag ni Patrick.

Gusto man niyang gumawa ng paraan na magkausap sila at maaring magkaayos sila ni Jennylyn, mukhang hindi pa napapanahon at kung meron man siyang gustong iparating kay Jennylyn, mas mabuti raw sana na silang dalawa ang magkausap at hindi na niya ipadaaan sa mga interview sa telebisyon.

Abala si Patrick ngayon sa Full House at pinaghahandaan nito ang pag-alis nila patungong Prague para sa ilang eksena roon.

Joe Barrameda

DINALAW namin kahapon ang set ng teledramang Ikaw Sana kung saan abala ang mga bidang artista na sina Jennylyn Mercado, Mark Herras at Pauleen Luna sa mga eksena nila.

Masaya ang lahat sa napakaganda at bonggang ratings na nakuha nila nitong mga nagdaang araw.

Hindi puwedeng hindi mabanggit ang kaso ng dati niyang P.A. na si Mel Pulmano kapag si Jen ang makakapana yam ng mga kasama han sa panulat.

Gaya ng nasabi ni Jen, napatawad na niya ito noon pa man.

Hindi namin alam kung ano ang tunay na mga pangyayari dahil puro kuwento at depensa ang bawat isa.

Kung ano ang mga sinasabi ng mga taong involved ay pinakikinggan lang namin.
Dahil nasa hukuman na ito ay bahala na ang husgado sa kaso.

Balak daw dalawin ni Jen si Mel kung mabibigyan ng pagkakataon. Kahit paano ay may pinagsama han ang dalawa.

Sa ngayon ay wala sa isip ni Jen ang maki pagrelasyon. Sa trabaho naka-focus ang atensyon niya.

Bitter pa rin siya sa experience niya kay Patrick Garcia kaya hanggang nga yon ay wala siyang kaba lak-balak na makipag-ayo s dito o kausapin man lang tungkol sa anak.

Tinukso namin si Jen sa mga past relationship niya pero ayaw niya. Biniro namin siya na irereto na lang namin siya kay Jacky Woo na walang karelasyon ngayon.
Sinakyan ni Jen ang biro namin.

***

Super-daring na Jennylyn cover ng men’s magazine

By: Noel Asiñas
CUT!


ITINANGGI ni Jennylyn Mercado na may karelasyon siyang band member. Single daw siya at ayaw mu-nang ma-in love.

Tama na munang asikasuhin niya si Baby AJ at ang bumubonggang career sa GMA-7.

Ito ang sinabi ni Jen sa set ng Ikaw Sana, ang soap na pinatatambalan nila ulit ng ex-bf na si Mark Herras.

Ayon kay Jen nang makausap namin sa set ng soap sa Morato, Quezon City, happy siya dahil super-taas ang rating ng kanilang show at naungusan na nilang nang husto ang kata-pat na programa.

Kapansin-pansin din na super-sexy ngayon si Jennlyn.

In fact, katatapos lang niyang mag-pictorial para sa FHM na siya ang cover.

Nagulat nga siya sa isyung lumalabas na super-daring daw siya sa pictorial niya.

“Kaya ko lang gawin ay ang magsuot ng one piece swim wear. Hindi ko pa kaya ang two piece at hindi pa ako kumportable,” aniya.

Tungkol naman sa napapabalitang band member na dyowa raw niya, agad ni-yang itinanggi ang tungkol dito.

“Wala akong nami-meet na musician. Wala akong bagong boyfriend. Masaya na ako sa buhay ko.”

Tungkol naman sa role niya sa Ikaw Sana na laging inaapi ni Pauleen Luna, ikinuwento niyang totoo lahat ang sampal na ipinatitikim sa kanya ni Pauleen.

“Naiintindihan ko si Pauleen sa mga ginagawa niya sa akin sa istorya. Trabaho lang. Kaya sana sa mga nakapapanood ay huwag kayong mag-react sa ginagawa ni Pauleen,” dagdag pa ni Jen.

May nangyaring insidente raw kasi kay Pauleen na habang nasa SM North Edsa ay may matandang babae na sa tumapik sa kanyang kamay, sabay sabing bakit daw niya masyadong inaapi Jen at pinayuhan pa raw siyang huwag manakit ng ibang tao.

Natuwa si Jen sa kuwentong ito dahil patunay na epektibong kontrabida si Pauleen at maraming sumusubaybay sa kanilang soap.

Ikinuwento rin ni Jen na wala pa ring sustentong nakukuha ang anak niyang si AJ sa tatay nitong si Patrick Garcia.

Pero ayaw na itong pag-usapan ni Jen dahil kaya naman daw niyang buhayin ang anak.

Anyway, kasama si Patrick sa cast bagong soap ng GMA, ang local version ng Full House, tampok sina Richard Gutierrez at Heart Evangelista.

* * *

Jennylyn gustong kausapin ang nanay-nanayang ipinakulong

ABOUT SHOWBIZ Ni Nitz Miralles (Pilipino Star Ngayon)
Updated November 07, 2009 12:00 AM

Dapat pala talagang kainggitan ng mga nagda-diet at nagwu-workout si Jennylyn Mercado dahil malakas kumain, pero ang slim pa rin. Steak with pasta ang nakita naming nilantakan nito sa breaktime ng taping ng Ikaw Sana kahapon at bago ‘yun, sandamakmak na yogurt ang kinain at binalikan pa nang maubos ang steak.

Nasasaktan si Jennylyn sa mga totoong sampal at sabunot ni Pauleen Luna sa kanya sa Ikaw Sana dahil ayaw ni direk Joel Lamangan ng daya. Ang kaigihan lang, nagre-rehearse sila bago ang take at marunong mag-control ng lakas si Pauleen at wala siyang suot na singsing, pero sa eksena nila kahapon, natanggal niya ang hair extension ni Jennylyn.

Hindi alam ni Jennylyn na inaaway ng fans niya si Pauleen, kaya nakiusap itong ‘wag personalin ang napapanood sa TV dahil malayo ‘yun sa totoong buhay.

Samantala, hindi pa nakikita ni Jennylyn si Mel Pulmano mula nang mahuli ito. Given the chance, gusto niya itong makausap para lang malaman ang totoo.

“Gusto ko siyang dalawin sa kulungan kung papayag ang lawyer ko. Gusto kong malaman ang totoo na hanggang ngayon ‘di ko pa alam. Wala pang makapagsabi sa akin ng totoong dahilan. Okey nang ‘di bumalik ang perang kinuha niya dahil kikitain ko rin ‘yun, gusto ko lang malaman kung bakit niya ginawa ‘yun dahil naging nanay-nanayan ko rin siya,” sabi ni Jen.

* * *

Jennylyn Mercado is a bit sad that her former PA is now behind bars

Rommel Gonzales
Friday, November 6, 2009
04:18 PM


Nakausap ng PEP (Philippine Entertainment Portal) si Jennylyn Mercado kaninang tanghali, November 6, sa taping ng Ikaw Sana sa Il Terrazzo sa Tomas Morato, Quezon City.

Tinanong namin kay Jennylyn kung ano ang naging reaksiyon niya sa pagkakakulong ng dati niyang personal assistant na si Rowena "Mel Pulmano" sa salang qualified theft na isinampa niya laban dito.

"Siyempre nalungkot," sagot niya agad. "Nalungkot dahil kahit papapano naman kasi naging... Di ba? Naging parang nanay-nanayan ko yun, e."

Bago pa maaresto si Mel, pinatawad na raw ito ni Jennylyn.

"Binitawan ko na, e. Nag-let go na ako ng lahat ng mga galit ko. Pero siyempre, hindi naman na ako yung magdedesisyon. Kumbaga, this time, wala na sa akin yung desisyon, nandun na sa korte," sabi ng aktres.

Hindi pa raw niya nakakausap ulit si Mel.

"Never, kasi nga yung first time na nagkausap kami after the incident, yun lang yung pinuntahan ko siya sa bahay, kasama ko sina Tita Becky [Aguila, Jennylyn's manager]. Yun yung nalaman ko na [may nangyari], hindi na namin siya makontak.

"So ang ginawa namin, pinuntahan na namin siya sa bahay. Hindi ko naman siya nakausap kasi nagtutulug-tulugan siya dun. Yun lang, ginigising ko pa nga siya, 'Tita Mel, Tita Mel...' Ganun lang po. Pero after nun, never, never na. Wala, walang text, walang kahit ano. Wala talagang kahit ano."

Given a chance, dadalawin ba niya si Mel sa bilangguan?

"Yes, yes," sagot ni Jennylyn. "Opo, 'yon ay kung papayagan ako ng attorney ko na pumunta."

Halimbawang nadalaw niya si Mel at kaharap na niya, ano ang sasabihin niya dito?

"Gusto kong malaman lang kung... Kasi never kaming nagkausap, so gusto ko lang itanong sa kanya kung ano ba talaga ang nangyari. Kasi hanggang ngayon, hindi ko pa rin alam kung ano ang totoo. Hindi pa rin clear sa akin kung ano ba talaga ang lahat ng... kung bakit niya nagawa, ano ba talaga ang dahilan, ano ba ang totoong reason. Kasi wala, walang nakarating sa akin na totoong dahilan, wala talaga kahit isa."

Kahit hindi na maibalik sa kanya ang mga pera niyang nawala?

"Okay na lang. Kumbaga, pera na lang yun, kikitain ko naman ulit yun, e. 'Tsaka wala, wala na tayong magagawa, nandiyan na 'yan," sabi ng aktres.

FIGHT SCENES WITH PAULEEN. Marami raw fans ni Jennylyn ang nagagalit kay Pauleen Luna dahil sa mga eksenang sinasaktan ng huli ang first StarStruck female survivor sa Ikaw Sana. Recently nga lang daw, habang naglalakad si Pauleen sa isang mall ay may tumapik dito na isang matandang babae at tinalak-talakan siya dahil daw sa pang-aapi nito kay Jennylyn sa naturang drama series ng GMA 7.

Ano ang reaksiyon dito ni Jennylyn?

"Grabe! Hindi ko alam yun!" bulalas niya.

Ayon kay Jennylyn, lahat daw ng sampal at pananakit ni Pauleen sa kanya sa mga eksena nila sa Ikaw Sana ay totohanan at walang daya.

"Lahat naman po totoo, e."

So, nasasaktan na siya ni Pauleen?

"'Sakto lang po," sabi ni Jennylyn. "Pero hindi, naiintindihan ko naman kasi kailangan. Pag kay Direk Joel [Lamangan], totoo, e, hindi puwedeng dinadaya. Si Pauleen, marunong siyang mag-ano, marunong siyang magkontrol."

Pero yun nga lang, naaapektuhan ang fans ni Jennylyn at galit na ang iba kay Pauleen.

"Ibig sabihin, effective siya, magaling siyang artista," sabi ni Jennylyn. "Siguro ano, magaling siyang artista kaya ganun. Pero sana huwag naman nilang personalin. Kasi kung ano yung nakikita nila sa TV, yun lang yun. Ano lang yun, kumbaga, part lang yun ng trabaho namin bilang artista. Pero hindi naman kami magkaaway sa totoong buhay."

PATRICK GARCIA. Hindi pa rin daw sila nagkikita at nagkakausap ni Patrick Garcia, ang ama ng kanyang anak na si Alex Jazz.

"Hindi pa. Wala rin akong plano. Hayaan mo na, huwag na yun. Huwag na nating pag-usapan," pag-iwas niya.

Walang move si Patrick na kausapin siya?

"Hayaan mo na."

Wala pa ring suporta?

"Wala."

Paano kung mag-offer si Patrick na magbigay ng financial support?

"Wala namang... malabo, malabo! Malabo na po yun. Ayoko na siyang pag-usapan!" iwas pa rin niya.